Kochasz gotować?
Zarabiaj ze Smakerem na dodawaniu przepisów!
- Babko, co Wy tyla dzisioj warzicie? - Jak to co? Przeca jutro niydzielo, świntyj Hedwigi. Co ty synek, niy wiysz, co jutro u nos bydzie łodpust? - Wiym, przeca że wiym. Ale to i łobiod bydzie łodpustowy? - No dyć. Przeca wsziscy przijadom, budzie ujek Franek z ciotkom Marikom i synkami, ujek Konrad z ciotkom Mią ze Hajduk, chyba nawet ujek Edek ze Hindenburga przijedzie. Przeca łodpust to wielkie świynto dlo cołej rodziny! - Starko, a co to bydziecie warzić? Rolada? Ponbócku Złoty! Tyn najduch sie pyto co bydzie w łodpust na łobiod? Przeca jak zawsze, rosół z nudlami, rolady, modro kapusta i gumiklyjzy. - Bobko, a kompot bydzie? - Bydzie, bydzie. Z bani, tyn co lubisz. Niy godej tyla ino leć do masorza, herr Piontka, i przinieś, bo łobiycoł mi zostawić gryfno kita wołowo na rolady. Czekej no, karlusie, to mosz kartka i kup po drodze wszistko, co na niyj stoji.
REKLAMA
Dodaj przepisy i zarabiaj
REKLAMA
REKLAMA
Komentarze do przepisu (14)
Ostatnio komentowane przepisy
34
5
Ciasta
Jabłkowa delicja
Puszysty kakaowy biszkopt, aromatyczne jabłka , aksamitna pianka , to ciasto...
Odsłon: 721
2
1
Dania główne
Pierś z kurczaka w kokosowym sosie
Dziś przygotujemy aromatyczne danie, które łączy delikatność piersi z kurczak...
Odsłon: 310
4
22
Ostatnio komentowane przepisy
34
5
Ciasta
Jabłkowa delicja
Puszysty kakaowy biszkopt, aromatyczne jabłka , aksamitna pianka , to ciasto...
Odsłon: 721
2
1
Dania główne
Pierś z kurczaka w kokosowym sosie
Dziś przygotujemy aromatyczne danie, które łączy delikatność piersi z kurczak...
Odsłon: 310
4
22
REKLAMA
Dania główne
Ślunski łobiod na łodpust.
Wiech_K
> 60 min
5-6 osób
Składniki
- kita wołowo na rolady - kilo
- szpek wyndzony - ćwierć kilo
- kwaśne łogórki - 3
- cybula - 3
- zymft - jedna mało krauza
- modro kapusta - tak wele kila
- kartofle - ze dwa kila
Sposób przygotowania:
1
- Babko, to jak sie robi ta modro kapusta? - Toż puć, synek, pokoża ci. - Kapusta musisz pokrajać na takie drobne szplitry, wciepać do gorka, nasuć mało gorść soli, zaloć gorkom wodom i gotować, aż bydzie miynko.
2
Zaniym sie kapusta uwarzi, pokrajej szpek na takie małe wyrfle i usmaż jych na małyj łyżeczce tustego. Dociepej posiykanyj cybuli. Jak cybula bydzie sie robiyć szklisto, to wciepej jeszcze łyżka monki i wymiyszej gryfnie.
3
Kapusta łodcydź, wciepej do niyj omasta z cybulom i zasmażej. Dolyj trocha, tak ze dwie - trzi łyżki łoctu. No,tera je dobro. Jeszcze ino trocha pieprzu i jest fertig.
4
Terozki synku rozklupej mi miynso na rolady. Ale ciynko i tak, co by równe boło. Na kożdo rolada domy teroz trocha soli,trochapieprzy i posmarujymy ciynko zymftem. Teroz trocha cybulki, posiekanyj, dej tu konsek łogórka, konsek szpeku i zawijomy. A czymu nitkom? Przeca Wom ciotka Mia z Rajchu prziwiezła takie szprytne nadle? Ale mom ich za mało na tyla roladów. Zawijej, zawijej. Gryfnie!
5
Weż synku tocha monki, i obkulej w niyj kożdo rolada, ale ino trocha! Terozki rozgrzyj tuste w brytfanie, wsadź rolady i smaż, z kożdej stony, aż sie zrobiom brunotne. Podlyj trocha wody, przikryj i warz, ino ma małym ogniu, tak wele godziny.
6
No widziysz, jakie gryfne rolady? Teroz ino dodomy do zołzy trocha gynstego (np. tyn wywar z kości), tak ze dwie łyżki. Wymiyszej, podgrzyj i dowej na stoł.
7
To ino terozki gumiklyjzy. Usztamfuj mi synku te kartofle, ale krepko!
8
Gryfnie. Terozki dodomy trocha szkrobku. Nie, ta drugo, modro biksa. Ta, kaj pisze kartofelmehl. Ja, ta. Dodaj tak mniyj niż ćwierć kartofli. Dodej jajko i wymieś, aż bydzie głodkie.
9
Teraz ino ukulomy gryfne klejzy. Ja, zrób kożdyj dziurka na zołza. Wciepej je pomału na wrzontek i warz, jak wypłynom na wiyrch tak ze trzi minuty.
10
Wyciongniyj je toroz szałkerlom na miska i tyż dowej na stoł.